Sninggipani Janggi Tangani Outline (A Sketch Life of a Disciple)

Jisu Kristoni sninggipani janggi tangani maidakgipa ong·a ba ong·na nangna? Ia sing·ani bang·bata gital bebera·gipa manderangni gisikona re·baronga. Jisu Kristoni jokataniko ma·sichengani somaio bang·a ma·sie ra·na skanirang donga aro Jisu Kristona ka·sae janggi tangna ska.  

Ka·mao sninggipani janggi tangani maikai ong·a, uarangko adita katta bichongmangmangko see me·sokatenga. Ua katta bichongrangko poraion, uano on·chapgipa Sastrorangko poraina man·ode, altuae ma·sina man·batgen. 

1.     Sninggipara skie ra·a aro skiako ra·chaka (Toe skianirang 9:8-10; Mati 4:19).

2.     Sninggipara uni janggi tangani gimikon Kristoko skang dona (Mati 6:24, 33; Luk 9:23; 2 Korinthirangna 5:15).

3.     Sninggipara grike janggi tanga aro namgijaoni an·tangko rakkia (1 Korinthirangna 6:19-20; Kolosirangna 3:5-10; 1 Thessalonikarangna 4:3-7; Titusna 2:12-14).

4.     Sninggipara salanti Isolni kattarangko poraia aro Isolo bi·ronga (Gitrang 27:4; 42:1-2; 1 Thessalonikarangna 5:17-18; Jakob 1:5-7; 5:16).

5.     Sninggipara uni bebe ong·aniko me·soka, Isolni kattako skie ra·a aro dakaba daka. Ua Isolni kattako poraironge, mikosto ka·a, aro chanchibewalronga (Johan 8:31; Watatarang 2:42; 17:11; Kolosirangna 3:16; 2 Timothyna 2:15).

6.     Sninggipao saki on·na skani ka·tong donga, ua namgipa janggi tangmesokani gnang Nama Kattako gipinrangna aganronga (Mati 28:18-20; Watatarang 1:8; 5:42; Romrangna 1:16; 1 Korinthirangna 15:3-4; 1 Thessalonikarangna 2:4).

7.     Sninggipara Isolko olakina, an·tangni gisikni nanganirangko man·na aro bebera·rimskarangko  dakchakna gilja re·ronga (Gitrang 122:1; Watatarang 16:5; 1 Korinthirangna 12:12-14; Ibrirangna 10:25).

8.     Sninggipara bebera·rimskarang baksa bakrime ka·saani aro meli-nangrimaniko me·soka (Johan 17:22-26; Watatarang 2:44-47; Ephesusrangna 4:1-3; Ibrirangna 10:24; Johan 1:1-3).

9.     Sninggipara gipinrangko dakchakachi an·tangni nokkol gita ong·gipa ka·tongko me·soka (Mark 10:42-45; Watatarang 6:1-4; Philippirangna 2:25-30; 1 Thessalonikarangna 2:8-9).

10. Sninggipara tangka paisako on·jringachi Isolko rasong chaata (Haggai 1:6-9; Malaki 3:10-11; 1 Korinthirangna 16:1-2; 2 Korinthirangna 9:6-8).

11.Sninggipara Gisikni biterangko Kristo aro bebera·rimskarang baksa janggi tanganio me·soka (Watatarang 16:1-2; 1 Korinthirangna 13:4-7; Galatiarangna 5:22-23; 1 Pitor 2:18-20).

Anga beberaa, ia janapgimin kattarangko poraie na·a Isolni gisik nangataniko man·aha. Oe mande salsao pilak nama kamko ka·tokna man·ja, indiba mingsani ja·mano mingsa dake ka·sine ka·e ka·esa chu·sokrorona man·a. Gitel Jisu baksa janggi tanganio badita Uni ska aro namnikaniko dake janggi tanga, ua gitasa pilak kamon namroro silrorona man·a. Nang·ni janggi tanganio Gitel Jisu pangnan nangko dilangchina. 

About Author

Sengban M Momin is an author who formerly worked as a pastor in two churches for 10 years. He has a passion for God’s mission and love to share the Word of God. He has authored few books in his own language (Garo) including his best book Isolni Ka·saae Jokataniko Bebera·e Janggi Tangani (Living by Faith in God’s Gift of Salvation). He presently lives with his wife and a daughter in Tura, Meghalaya, India.