Bible-o Dilgiparangko Maidake Bimungko Dona? (Titles Given to Leaders in the Bible)

Na·a saksa dilgipa ong·e Isolna dangdike on·engon, Isol nang·ko mai rokomni bimungo donaha? Ianigimin na·a basakoba chanchie niahama? Bible-o dilgiparangko dingtang dingtang bimango donaha  aro bimung mingaha. An·chingni  Gitel Jisukoba dingtang dingtang dake biming minga, biming mingprakan Uni kamrangko dingtange me∙soka. Ia Bible-o me∙sokgimin dilgipani bimungrangoniko an∙chingba skie ra·na man·gen aro an∙tangtangko mai rokomni dilgipa ong×a ma·sie ra∙na man×gen.

1.     Isolni Mande(Man of God)

Watata Paul Timothy-ko “Isolni mande” ine agana (1 Tim. 6:11). Isolni mande ine inani miksonganiara, a∙gilsakona Isolni watatako man∙gipa ong∙a. Isolni bilo watatako man∙gipa ong∙e, Isolni watatani miksonganiko u·ie kamko ka∙gipa ong∙a. Isolni mande ong∙e, Isolni gunrangko an·chingo nikna nanga.

Ø  Isolni mande >  an∙tangni gadangni gimin aro an∙tangni daiko u∙ie  

         kamko ka∙a.

                                                                       

2.     Ra·angtimgipa (Messenger)

Malaki 2:7-o agana, ‘dilgipara Isolni katta-ko manderangna ra∙angtimgipaong∙a.’  Manderang Isol maiko agana ukosa knana ska, mandeni katako ong∙ja. Ra×angtimgipade  Isoloniko maiko knaaha aro nikaha uko saki on∙gipa ong∙a (Wat. 22:15). “Isol indake agana” ine ua pangnan aganronga.

Ø  Ra·angtimgipa  >  Isolni katako manderangna agana.

3.     Mes Nirikgipa(Shepherd)

Watata Paul Ephesusni me∙aparangko “Isolni mondolini nirikgiparang ong∙bo” ine aganaha(Wat. 20:28). Nirikgiparangode jaktangko nirikna ning∙tugipa dai donga (Git. 100:3; Johan 10:1-29; 1 Pitor 5:2-5). Nirikgipani kamara alani, dilani, chelchakani, aro dakchakani ong∙a.·

Ø  Mes Nirikgipa > manderangko nirok-sananiko daka.

4.     Niroktimgipa(Overseer)

Dilgipako niroktimgipa ine agana (1 Tim. 3:1; Wat. 20:28). Ian mikkangchakao pilak ong∙enga kamrangko niroktimgipa gita ong∙e dangdike on∙ani ong∙a. Uamang an∙tangtang pilak kamko ka∙gipade ong∙ja indiba niroka.

Ø  Niroktimgipa > niroktima aro nama katani kamo skie on∙a.

5.     Nitimgipa (Watchman)

Ezekiel 3:17-o katchinikgipako Israel-ni nitimgipa dake donaha. Dilgipade manderangni gisikko nitimgipa ong∙a; Isolni katako aganani aro mikrakataniko on∙ani ong∙a.

Ø  Nitimgipa >  an∙tangtangni manderangna mikrakataniko on∙a.

6.     Baltigipa (Ambassador)

Dilgiparangko Kristoni baltigipa gitaba agana (2 Kor. 5:20). Iani miksonganiara an∙ching a∙song gipino donge a∙songtangani pal watatako man∙e kam ka∙a. An∙chingni a∙songde Salgi ong∙a, da∙o ia a∙gilsako Salgini gimin kam ka∙enga.

Ø  Baltigipa > Isolni pal kam ka·a

7.     Me·apa (Elder)

ØDilgipako me∙apa ineba agana (1 Pitor 5:1). Dilgipara jean gisikni gita bria aro kimkima (Wat. 14:23; Jakob 5:14).

ØMe·apa> Gisikni kimkim ong∙aniko sualpaa.

8.     Ma·a Paa (Parent)

Dilgipara pagipa aro ma∙gipa gita uni jarikgiparangna ong∙a. Watata Paul indake agana, “indiba bi∙sana algipa an×tang bi∙sarangnko mitanga gita, uandake na∙simangni gisepo chinga sontol ong∙aha”(1 Thess. 2:7; 2:11). Niam Gitcham Sastrooba Isol dilgiparangko pagipa aro ma∙gipa gita aganronga (Git. 103:13; Isaia 49:15).

ØMa·a Paa  > Manderangna ka∙saa aro simsaka.

9.     Sason Ka·gipa (Ruler)

Basakoba dilgiparangko sason ka∙giparang ineba agana (Ibri. 13:17). Isol dilgiparangko manderangni kosako skotong dake done manderangko re∙dilna daiko on∙aha. Dilgiparang Isolni on∙gimin daiko u∙ie rinok rinok dake aro chakchike sason ka∙na nanga (1 Pitor 5:3).

Ø Sason Ka·gipa > Isoloni bilko man∙oba rinok rinok dake, chakchikani gnang 

                              sason ka∙a.

10.            Katchinikgipa (Prophet)

Dilgipara katchinikgipa ong∙a. Katchinikgipara Isolni skaniko manderangna agangipa ong∙a. Ua Isolni ku×rang ba katako tiktakan manderangna aganskaa. Ua manderangna ramako me∙soke on∙a (1 Kor 11:1). Katchinikgipa Isolni bilo ka·donge pangnan kamrangko ka·a.

Ø Katchinikgipa > Isolni skaniko u∙ie ramako me∙soka

11.            Skigipa (Teacher)

Dilgiparang skigipa gita kam ka∙a (1 Kor. 12:28). Skigipa Isolni bebe ong∙aniko manderangna skulo skia gita agan-skie on∙a.

ØSkigipa> Isolni bebe ong∙aniko skiachi manderangna gisikni cha∙aniko on∙a

12.            Nokkol (Servant)

Dilgipako nokkoline agana (2 Kor. 4:5). Nokkol gita dangdike on·aniko Gitel Jisu Kristoan dakmesoke  on∙aha (Mark 10:45; Philip. 2:1-8). Nokkol gita dangdike on∙anio minggniko gisik ra·na nangani donga: (i) sakgipinni nanganina simsaka (Mati 23:11; Johan 12:26); (ii)nokgipana nokol ong∙a. Uni janggitangani miksonganian uni nokgipanasa ong∙a (Rom. 1:1; Phil 1:1; Philemon 9). Ka∙mao ming gittam dilgiparangni gimin u∙ia.

·        An∙ching Isol/Kristoni nokolrang ong∙a (2 Kor. 6:4),

·        An∙ching Nama katani nokolrang ong∙a (2 Kor. 3:6),

·        An∙ching mondolini nokolrang ong∙a (Rom. 16:1; Mati 20:26-28).

Ø Nokkol  > Isolni miksongani gita sakgipinrangna dangdike on∙a.

13.            Rakkitimgipa(Steward)

Dilgipade manderangko rakitimgipa ong∙a (1 Pitor 4:10) aro Isolni gamrangko simsake rakitimgipa aro chalaigipa ong∙a (Mati 25:14-30).  Ka∙mao mingbri rakitimgipani dairangko me∙sokatenga:

·        Gisikni gunrang aro changa sapanirangko jakkalanio (1 Pitor 4:10),

·        Tangka paisako jakkalanio (Luk 16:1-13),

·        Ka∙rimska jong-ada aro no-abirangni gisikni gadangko rakitimanio (Ibri 13:17),

·        An∙tangko rakitimanio (Rom 14:12; 2 Kor. 5:10).

ØRakkitimgipa > Manderangko kamko ka∙na ka∙dil-dakdile on∙a.

14.            Ka·rimgipa (Fellow Workers/Partners)

Watata Paul agana, “Maina chinga Isol baksa ka∙pagiparang ong∙a” (1 Kor. 3:9). Dilgiparang pilakan Isol baksa ka·pagiparang ong·a aro sakgipinrang baksa tom·dake ba bakrime kam ka∙rima (2 Kor. 8:23; Phil 1:5; Luke 5:10). Jisu Kristoba sninggiparangko an·tang baksa karimgipa ong·na seokaha aro uamangko skiprakna wataton sakgnigni dake watata. Damsan ka∙rimanio bang∙a cholrang donga; naljokaniba donga. Ka·rimanichi majoani, tangka aro namgijani-na gisik nanganiko gelna dakchakgen.

ØKa·rimgipa  > Jinmani namgnina aro Isolni Songnokni barianina kam                                   ka∙rima.

15.            Gipin Bimungrang

Kosako me∙sokgimin Bible-ni dilgipani bimangrangna agreba gipinrangko me∙sokani dongengkua. Uarangko ka·mao me·sokatenga.

·      Na∙tok rim∙gipa (Mati 4:19),

·      Nurse (1 Thess 2:7),

·      Rikgipa (1 Kor 3:10),

·      Satgipa (Mati 13:3),

·      Ragipa (Johan 4:35-38),

·      Sipai (2 Tim 2:3),

·      Gamgipa (1 Kor 3:9).

Dilgiparangko bimung donani kri uamangni kamrangba dingtanggrika, indiba pilakan dilgipani kamko ka·giparang ong·a. Badiaba bimungrangde mai kam-ko ka·a uko me·sokja, dilgipara sawa ukosa me·sokaia. Dilgiparangko Isolan dingtang dingtang bimang aro kamrango pangchake bimungrangko dingtang dingtang donaha ine Sastroo me·soka.

@ Obostani kri, saksa mandean dingtang dingtang bimango ba kamrangko ka·na donako man·naba donga. Uni ka·na amani kri Isol una bang·bata kamrangko on·naba man·a.

A·bachengo janapgimin gita nang·ni dilgipa ong·e Isolna kam ka·anio, na·a badia bimungko man·pana krae nika? Nang·ni gisiko chanchiani sokbahama? Oe nang·na tikgimin kamde je rokomniba ong·na man·a, Isolni nang·ko maidakgipa kamko ka·china on·aha ukosa na·a ma·sina nanga. Isol nang·na je changa sapaniko ba gunrangko on·aha, uano pangchakesa nang·ko bimung dongen aro kamkoba ua gitasa nang·na on·gen. Isolni kamko ka·anio Isolni skaniko sepangbate ma·sirorona nang·ko dilangchina. Amen.

About Author

Sengban M Momin is an author who formerly worked as a pastor for 10 years. He has a passion for God's mission and love to share the Word of God. He has authored few books in his own language (Garo) including his best book Isolni Ka·saae Jokataniko Bebera·e Janggi Tangani (Living by Faith in God's Gift of Salvation ). He presently lives with his wife and a daughter in Tura, Meghalaya, India.